Mütəxəssislər “yaşıl” biznesi xüsusi bank məhsullarının köməyi ilə maliyyələşdirməyi təklif edirlər
Ekspertlər alternativ enerji, elektrik nəqliyyatı və müasir təmizləyici qurğuların yaradılması ilə bağlı layihələri maliyyələşdirmək üçün xüsusi bank məhsullarından istifadə etməyi təklif edirlər. Bu, Rusiyanın Ümumdünya Vəhşi Təbiət Fondu (WWF), Sankt-Peterburqdakı Avropa İnstitutu və Milli Reytinq Agentliyinin Analitika Mərkəzi ilə birgə həyata keçirdiyi tədqiqatdan irəli gəlir.
“Bank ictimaiyyəti özü məsuliyyətli yaşıl maliyyələşdirmə məsələlərində getdikcə daha aktiv mövqe tutur. Qərb və Şərq bazarlarında baş verənlər tədricən Rusiya maliyyə bazarında təsir göstərməyə başlayır”, – deyə tədqiqatın müəllifləri qeyd edirlər.
“Yaşıl” maliyyənin cəlb etdiyi layihələr fərqli ola bilər – ekoloji cəhətdən daha təmiz olan yanacaqdan, o cümlədən mayeləşdirilmiş təbii qazdan istifadədən tutmuş alternativ enerji mənbələrinin inkişaf etdirilməsinə qədər.
