AİB Azərbaycanda inflyasiya üzrə proqnozlarını azaltdı
Asiya İnkişaf Bankı (AİB) Azərbaycanda 2019-2020-ci illər üzrə istehlak məhsullarının və xidmətlərin qiymətlərinə dair proqnozlarını yeniləyib.
"ENA“"nin AİB-in dərc etdiyi hesabata istinadən verdiyi məlumata görə, əgər cari ilin aprel ayında AİB Azərbaycanda inflyasiyanın 4% təşkil edəcəyini proqnozlaşdırırdısa, yeni hesabata əsasən, bu ilin sonunda ölkədə inflyasiya 3,7% təşkil edəcəyi gözlənilir. 2020-ci ildə isə bu göstərici 3,8% olacağı proqnozlaşdırılır, halbuki bundan öncəki hesabatda bank 2020-ci ildə Azərbaycanda inflyasiyanın 5% olacağını proqnozlaşdırırdı.
