Texniki baxışdan yığılan pullar yol polisinin maaşına hesablanacaq

Dövlət yol polislərinin maddi təminatı yaxşılaşdırılacaq.

ENA.az APA-ya istinadən xəbər verir ki, bu, “Dövlət rüsumu haqqında” qanuna edilən dəyişiklikdə əksini tapıb.

Dəyişikliyə əsasən, avtonəqliyyat vasitələrinin qanunla müəyyən edilmiş hallarda texniki baxışdan keçirilməsinə görə ödənilən dövlət rüsumunun 30 faizi müvafiq icra hakimiyyəti orqanının müəyyən etdiyi orqanın (qurumun) işçilərinin sosial müdafiəsini gücləndirmək və maddi təminatını yaxşılaşdırmaq, habelə müvafiq icra hakimiyyəti orqanının müəyyən etdiyi orqanın (qurumun) texniki baxış stansiyalarının saxlanılmasını təmin etmək üçün müvafiq icra hakimiyyəti orqanının müəyyən etdiyi orqanın (qurumun) xəzinə hesabına, qalan hissəsi isə “Avtomobil Yolları” Məqsədli Büdcə Fonduna köçürüləcək.

• Eləcə də bax: Avtomobillərin texniki baxışına görə - RÜSUM ARTIRILIR

Qeyd edək ki, indiyə qədər əsasən, avtonəqliyyat vasitələrinin qanunla müəyyən edilmiş hallarda texniki baxışdan keçirilməsinə görə ödənilən dövlət rüsumunun 25 faizi bu məqsədlə xərclənib.

Layihə Milli Məclisin sentyabrın 30-da keçiriləcək ilk plenar iclasında müzakirəyə çıxarılacaq.