İran şirkətləri Masallıda traktor yığacaq
İran şirkətləri Masallı Sənaye Məhəlləsində traktor yığmağı planlaşdırır.
Bu barədə İranın Azərbaycandakı səfirliyindən bildirilib.
Məlumata görə, hazırda bu istiqamətdə danışıqlar aparılır.
"Hələ ki, bu məsələ niyyət səviyyəsindədir", - deyə səfirlikdən qeyd ediblər.
Xatırladaq ki, hazırda Masallı Sənaye Məhəlləsində 10 müəssisə fəaliyyət göstərir. Əraziyə 5,3 milyon manat investisiya yatırılıb və 200-dən çox yeni iş yeri açılıb. Azərbaycanla İranın iqtisadi münasibətlərinə gəlincə isə, ötən il iki ölkə arasında ticarət dövriyyəsi əvvəlki ilə nisbətən 74% artıb. İndiyə qədər İran şirkətləri Azərbaycan iqtisadiyyatına 3,4 milyard ABŞ dolları investisiya qoyub, ölkəmizdə 1000-dən çox İran şirkəti qeydiyyatdan keçib.
