“Qarabağ” 1 milyonluq futbolçu alır

İspaniyanın “Saraqosa” klubunda çıxış edən Xorxe Pompo karyerasını Azərbaycanda davam etdirə bilər. ENA.az xəbər verir ki, onun xidmətində “Qarabağ” maraqlıdır.

Bu barədə İspaniya mətbuatı məlumat yayıb.

Bildirilir ki, “Saraqosa”dan ayrılacaq futbolçu MLS və Azərbaycan variantları haqqında düşünür. 25 yaşlı yarımmüdafiəçi hələ qərarını verməyib.

İspanların yazdığına görə, onu transfer etmək istəyən klub 1 milyon avrosundan keçməli olacaq.