"NBCBank" səhmdarlarının yığıncağı keçiriləcək
31.07.2019-cu il tarixdə, saat 11:00-da "NBCBank" ASC-nin Mərkəzi ofisində səhmdarlarının 2018-ci maliyyə ilinin yekunlarına həsr olunmuş növbəti ümumi yığıncağı keçiriləcəkdir.
"ENA" "NBCBank" Açıq Səhmdar Cəmiyyətinin Müşahidə Şurasının məlumatına istinadən xəbər verir ki, Ümumi yığıncağın gündəliyinə aşağıdakı məsələ daxil edilmişdir:
- İdarə Heyətinin hesabatı;
- Müşahidə Şurasının hesabatı;
- Kənar auditor tərəfindən təsdiqlənmiş və Audit Komitəsi tərəfindən tövsiyə edilmiş "NBCBank" ASC-nin 2018-ci ilin yekunları üzrə maliyyə hesabatının, mühasibat balansının, mənfəət və zərər hesablarının təsdiq edilməsi, mənfəətin bölüşdürülməsi;
- Digər məsələlər.
Xəbər verdiyimiz kimi, “NBC Bank” ASC 2018-ci ili 1 milyon 150 min manat xalis mənfəət ilə başa vurub.
