BVF Azərbaycan üzrə proqnozlarını artırdı
Beynəlxalq Valyuta Fondu Azərbaycanda ÜDM ilə bağlı proqnozlarını yaxşılaşdırıblar. ENA.az xəbər verir ki, BVF analitiklərinin hesablamalarına görə, Azərbaycanın qeyri-neft ÜDM-nin artımı 2023-cü ildə 4,2%, 2024-cü ildə isə 3,6% təşkil edəcək.
Əvvəl isə Azərbaycanda ÜDM-in artımı 2023-cü ildə 2,5%, 2024-cü ildə 2,5% proqnozlaşdırılmışdı. Eyni zamanda, BVF bu il Azərbaycanın ÜDM-nin nominal həcmini 77,4 milyard dollar, gələn il isə 81 milyard dollar səviyyəsində proqnozlaşdırır.
Fondun Yaxın Şərq və Mərkəzi Asiya regionu üzrə oktyabr icmalında dərc olunmuş proqnozlarına əsasən, 2023-2024-cü illərdə Azərbaycanda neftin ÜDM-in artımında payı 0,6% təşkil edəcək.
BVF-nin hesablamalarına görə, bu il Azərbaycanda orta illik inflyasiya 10,3% (2022-ci ildə - 13,8%), gələn il isə 5,6%-ə qədər azalacaq.
Azərbaycan İqtisadiyyat Nazirliyi 2023-cü il üçün ÜDM-in artımını 1,9%, 2024-cü il üçün 2,4% səviyyəsində proqnozlaşdırır. Departamentin proqnozlarına görə, bu il Azərbaycanda ÜDM-in nominal həcmi 119,6 milyard manat, gələn il isə 118,4 milyard manat təşkil edəcək.
Azərbaycanın İqtisadiyyat Nazirliyi 2023-cü ilin sonuna orta illik inflyasiyanın 9,5% səviyyəsində olacağını proqnozlaşdırır. 2024-cü il üçün proqnoz - 5,3%-dir.
2022-ci ildə Azərbaycanda ÜDM artımı 4,6% təşkil edib.
