Hesablama Palatası aqrosığorta sahəsinə dövlət dotasiyalarını təkrar nəzərdən keçirməyi təklif edir
Hesablama Palatası dövlət büdcəsindən malyyələşdirilən aqrosığorta üzrə sğorta haqlarının bir hissəsini təkrar nəzərdən keçirməyi təklif edir.
Bu barədə Hesablama Palatasının 2018-ci ildə fəaliyyətinə dair hesabatında deyilir.
Hesabatda qeyd olunur ki, dövlət büdcəsində kənd təsərrüfatı əmlakının sığortalanmasının stimullaşdırılması iklə əlaqədar sığorta haqqının 50%-nin ödənilməsi ilə vəsaitlər nəzərdə tutulursa, həmin vəsaitin çox az hissəsi istifadə edilib.
“Dövlət büdcəsində bu məqsəd üşün nəzərdə tutulmuş 2012-ci il üzrə 750 min manatdan cəmi 35,1 min manatı (nəzərdə tutulan vəsaitin 4,7%-i), 2013-cü il üzrə 1 mln. manatdan cəmi 19,6 min manatı (2%-i), 2014-cü ildə - 1 mln. manatdan cəmi 23,2 min manatı (2,3%-i), 2015-ci ildə isə həmçinin 1 mln. manatdan cəmi 14,6 min manatı (1,5%-i) istifadə olunub. 2016-cı və 2017-ci illərdə nəzərdən tutulmuş vəsait heç istifadə olunmayıb ”, - hesabatda vurğulanır.
Hesabalama Palatası qeyd edir ki, aqrosığortaya marağın az olamsı bir neçə amillərlə əlaqədardır. Onların arasında kənd təsarrüfatı istehsalçılarının sığorta məhslu barədə az məlumatlı olması, zəif reklam, sığorta şirkətlərinin marağının olmaması, sığorta olunanlara təqdim olunan şərtlərin kifayət dərəcədə sərt olması, həmçinin aqrosığorta xidmətinin yüksək qiymətidir.
“Bununla əlaqədar dövlət büdcəsindən sığorta haqlarının qismən ödənilməsinə ayrılan vəsaitin həcminin təkrar baxılmasından başqa həmçinin aqrosığorta mexanizminin təkrar gözdən keçirilməsi, o cümlədən, dövlət tərəfindən sığortalanmasına maliyyə yardımı edilən kənd təsarrüfatı bitkilərinə pambıq, tütün, çüy, çəltik və tut sahələrinin məhsullarının əlavə edilməsi tövsiyyə olunur”, - hesabatda deyilir.
Xəbər verildiyi kimi, Azərbaycanda kənd təsərrüfatında sığotrtanın təşviqi haqqında qanun layihəsi hələ 2018-ci ilin ikinci yarısında hazırlanıb və hazırda parlamentin müzakirəsindədir.
Hazırda kənd təsərrüfatında sığorta haqlarının dövlət tərəfindən maliyyələşdirilməsi qüvvədə olan qanunla tənzimlənir.
2018-ci ildə Azərbaycanda sığorta şirkətlərinin aqrosığorta üzrə sığorta haqları 2 mln. 680,1 min manat, ödənişləri 755 min manat təşkil edib.
