Şəhid ailələrinin problemli kreditləri silinəcək – BANKLARDAN QƏRAR
Azərbaycanda fəaliyyət göstərən banklar Aprel döyüşlərinin 3-cü ildönümü münasibətilə ciddi bir addım atıblar. Qarabağ müharibəsi və 20 Yanvar şəhidlərinin bir nəfər ailə üzvünün banklara 360 gündən artıq gecikməsi olan 1000 (min) AZN qədər kreditlərinin (faiz borcu daxil olmaqla) bankların öz vəsaitləri hesabına ödənilməsi barədə qərar qəbul edilib."
"Businessinsider.az" xəbər verir ki, bu xəbər Azərbaycan Banklar Assosiasiyasının Rəyasət Heyətinin geniş tərkibdə iclasının yekununda qərara alınıb.
Bundan sonra da banklara bu istiqamətdə əlavə güzəştlər edilməsi imkanlarının araşdırılması da tövsiyə edilib.
İclasda vurğulanıb ki, əhalinin sosial rifahının daha da yaxşılaşdırılması üçün Azərbaycanda prezident İlham Əliyevin rəhbərliyi ilə köklü sosial-iqtisadi islahatlar aparılır. Bu sənədlərin biri də "Fiziki şəxslərin problemli kreditlərinin həlli ilə bağlı əlavə tədbirlər haqqında” prezident Fərmanıdır.
Eləcə də bax: Azərbaycanda avtomobil krediti verən banklar - Siyahı
Fərmanda göstərilən əsas məsələlərlə bərabər 6.3-cü maddəsində banklara fiziki şəxslərin borc yükünün yüngülləşdirilməsini təmin edən digər tədbirlər görmək tövsiyə edilib. Bu tövsiyələrin icrası məqsədi ilə bank icması da öz növbəsində görülməli olan ilkin dəstəkləyici tədbirlər müəyyən etməkdədir.
