Bakı-Tbilisi-Qars dəmir yolu ilə hərəkət edən ilk sərnişin qatarı Gürcüstana gəlib
Bakı-Tbilisi-Qars dəmir yolu üzrə ilk dəfə xəttə buraxılan sərnişin qatarı Gürcüstana gəlib.
"BI", İsveçrənin "Stadler" şirkətinin istehsalı olan qatar bir neçə gün əvvəl İstanbula çatıb və Türkiyədən Gürcüstana İstanbul-Qars-Axalkalaki-Tbilisi-Bakı dəmir yolu xətti üzrə yollanıb.
"Azərbaycan Dəmir Yolları"na məxsus qatar test rejimdə xəttə buraxılıb.
Qeyd edək ki, Bakı-Tbilisi-Qars marşrutu ilə sərnişindaşınmanın təşkili 2019-cu ilin 3-cü rübündə planlaşdırılır.
Xatırladaq ki, Bakı-Tbilisi-Qars dəmir yolunun açılış mərasimi 2017-ci il oktyabrın 30-da Bakı Beynəlxalq Dəniz Ticarət Limanında keçirilib.
