ABŞ-İran münaqişəsi Avropa iqtisadiyyatını risk altına salır – Fitch
Beynəlxalq kredit reytinq agentliyi Fitch Ratings Yaxın Şərqdəki geosiyasi gərginliyin təsirlərinin inkişaf etmiş Avropa iqtisadiyyatlarında makroiqtisadi şəraitə təzyiq göstərməyə davam edəcəyi barədə xəbərdarlıq edib.
ENA.az xəbər verir ki, Agentliyin yeni hesabatına əsasən, Hörmüz boğazı qısa müddətdə tam fəaliyyətini bərpa etsə belə, ABŞ-İran münaqişəsinin yaratdığı iqtisadi təsirlər Avropa ölkələrində artım və maliyyə sabitliyi üçün risk olaraq qalacaq. Xüsusilə investisiya reytinqindən aşağı səviyyədə qiymətləndirilən emitentlər üzrə mənfi risklərin artdığı vurğulanıb.
Fitch qeyd edib ki, 2026–2027-ci illər üzrə əsas makroiqtisadi proqnozlar aşağı istiqamətdə yenilənib. Buna səbəb kimi 2026-cı ilin ikinci rübündə ABŞ-İran müharibəsi fonunda yaranan enerji qiymətləri şokunun iqtisadiyyata təsirləri göstərilir.
Hesabata əsasən, inkişaf etmiş Avropa ölkələrinin əksəriyyətində inflyasiyanın əvvəlki gözləntilərdən daha yüksək, iqtisadi artımın isə daha zəif olacağı proqnozlaşdırılır. Bu vəziyyət həm dövlət maliyyəsinə, həm də korporativ borclanma bazarına əlavə təzyiq yarada bilər.
Fitch-in baza ssenarisinə görə, Hörmüz boğazının 2026-cı ilin üçüncü rübündə mərhələli şəkildə tam açılması gözlənilir. Bununla yanaşı, agentlik ABŞ və İran arasında son hadisələrin enerji təchizatında fasilələrin daha uzun müddət davam etməsi riskini artırdığına diqqət çəkib
