Mərkəzi Bank “Finca Azerbaijan”ın vəzifəli şəxsini cərimələdi
Mərkəzi Bank “Finca Azerbaijan” MM QBKT-nin vəzifəli şəxsini 2 000 manat məbləğində cərimələyib.
Bu barədə Mərkəzi Bank məlumat yayıb.
Tənzimləyici tərəfindən aparılan cari nəzarət prosesləri çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin tələblərinin pozulması ilə əlaqədar İnzibati Xətalar Məcəlləsinin 598.1.2-ci maddəsinə əsasən “Finca Azerbaijan” MM QBKT-nin vəzifəli şəxsi Bakı Şəhəri Yasamal Rayon Məhkəməsi tərəfindən 2 000 (iki min) manat məbləğində cərimə edilib.
Xatırladaq ki, "Finca Azerbaijan" 1998-ci ildən fəaliyyət göstərir. Mikromaliyyə təşkilatı Hollandiya şirkəti olan FINCA Microfinance Corperatief U.A.-nın törəmə müəssisəsidir.
