Tramp Yaponiya ilə 550 milyard dollarlıq müqavilə imzalayıb
ABŞ prezidenti Donald Tramp “Truth Social” sosial şəbəkəsində yazıb ki, ABŞ Yaponiya ilə indiyədək ən böyük müqavilə bağlayıb. Onun sözlərinə görə, sövdələşmənin bir hissəsi investisiyalara, digər hissəsi isə ticarət tariflərinə aiddir.
“Yaponiya mənim göstərişimlə ABŞ-yə 550 milyard dollar sərmayə qoyacaq və ondan əldə edilən gəlirin 90%-ni alacaq. Bu sövdələşmə yüz minlərlə iş yeri yaradacaq”, – Tramp yazıb.
Lakin ən vacib şey sövdələşmənin tarif hissəsidir. “Yaponiya öz ölkəsini ticarətə açacaq, o cümlədən avtomobil və yük maşınları, düyü və bəzi digər kənd təsərrüfatı məhsulları üçün. Yaponiya ABŞ-yə 15%-lik tarif ödəyəcək”, – cənab Tramp izah edib.
