“Azərbaycan Sənaye Sığorta” və “Xalq Sığorta” barədə məcburi sərəncam verilib
Azərbaycan Mərkəzi Bankı iki sığorta şirkəti – “Azərbaycan Sənaye Sığorta” ASC və “Xalq Sığorta” ASC-yə icrası məcburi sərəncam verib.
ENA.az bunu AMB-yə istinadən xəbər verir.
Belə ki, AMB tərəfindən “Xalq Sığorta” ASC-də aparılan monitorinq zamanı müstəqil ekspertlərlə mülki-hüquqi müqavilələrin bağlanmaması ilə əlaqədar olaraq, “Sığorta fəaliyyəti haqqında” Azərbaycan Respublikası Qanununun 102-ci maddəsinin tələblərinə əsasən, “Xalq Sığorta” ASC-yə icrası məcburi sərəncam verilib.
AMB tərəfindən “Azərbaycan Sənaye Sığorta” ASC-də aparılan monitorinq zamanı müstəqil ekspertlərlə mülki-hüquqi müqavilələrin bağlanmaması ilə əlaqədar olaraq, “Sığorta fəaliyyəti haqqında” Azərbaycan Respublikası Qanununun 102-ci maddəsinin tələblərinə əsasən, “Azərbaycan Sənaye Sığorta” ASC-yə icrası məcburi sərəncam verilmişdir.
