Çin ixracatçıları ABŞ-la ticarəti azaltmağı planlaşdırır
Çin Beynəlxalq Ticarətin Təşviqi Şurasının (CCPIT) sorğusuna görə, tariflərin dünyanın iki ən böyük iqtisadiyyatı arasında ikitərəfli ticarəti dayandıracağı gözlənildiyi üçün Çin ixracatçılarının təxminən yarısı ABŞ ilə ticarət əlaqələrini azaltmağı düşünür.
CCPIT sözçüsü tərəfindən açıqlanan məlumatlara görə, sorğuda iştirak edən 1100 ixracatçının təxminən 75 faizi itirilmiş ABŞ sifarişlərinin yaratdığı boşluğu doldurmaq üçün inkişaf etməkdə olan bazarlara genişlənməyi planlaşdırır.
"Tarif siyasətlərində tez-tez dəyişikliklər səbəbiylə artan qeyri-müəyyənlik firmaların uzunmüddətli planlar qurmalarını çətinləşdirir" deyən sorğuda bir çox ixracatçının yeni xarici bazarlara "aktiv" genişləndiyi və ya satışlarını daxili bazara yönləndirdiyi qeyd edildi.
Çinin bütün xarici bizneslərə, o cümlədən Amerika firmalarına qapılarını açmaq öhdəliyini vurğulayaraq, CCPIT Vaşinqtonu “tarifləri artırmağı dayandırmağa” və mübahisələri bərabər şərtlərlə dialoq yolu ilə həll etməyə çağırıb.
