Ruhani Zərifin istefasını qəbul etmədi
İran prezidenti Həsən Ruhani xarici işlər naziri Məhəmməd Cavad Zərifin istefasını qəbul etməyib.
“Habertürk”ün məlumatına görə, bununla bağlı İran Prezident Aparatının rəhbəri Mahmud Vaizi açıqlama verib.
O bildirib ki, Ruhaninin Zərifin istefasını qəbul etməsi ilə bağlı yayılan iddialar yalandır.
M.Vaizi əlavə edib ki, İran parlamentinin 150 deputatı prezident Həsən Ruhaniyə müraciət edərək, Zərifin istefasının qəbul edilməməsini istəyib.
Qeyd edək ki, İran parlamentində 290 millət vəkili var.
Xatırladaq ki, dünən İranın xarici işlər naziri Cavad Zərif özünün “Instagram” hesabında istefaya getdiyini bəyan edib
