“Unibank”da təyinat olub

“Unibank KB” ASC-yə yeni Baş Biznes İnzibatçısı təyin olunub.

Məlumata görə, sözügedən vəzifəyə təyin olunan şəxs İlkin Quliyevdir.

İ.Quliyev 2019-cu ildən 2025-ci ilin əvvəlinə qədər “AccessBank” ASC-də çalışıb. Son üç ildə isə İdarə Heyətinin üzvü vəzifəsində olub. O həmçinin “AccessBank”ın Korporativ və pərakəndə bankçılıq üzrə icraçı direktoru vəzifəsində çalışıb.

İlkin Quliyev bankçılıqda 15 ildən çox iş təcrübəsinə malikdir. O, indiyə qədər “AccessBank” ilə bərabər “Unibank” və “ABB” kimi banklarda çalışıb.

İlkin Quliyev Azərbaycan Dövlət İqtisad Universitetində “İqtisadiyyatın idarə olunması” üzrə bakalavr, İngiltərənin Nyukasl Biznes Universitetində “Bank və Maliyyə” üzrə magistr dərəcələrinə yiyələnib.

Azərbaycan, rus və ingilis dillərini bilir.