“Xalq Həyat Sığorta”nın İdarə Heyətinə yeni sədr təyin edilib
“Xalq Həyat Sığorta” şirkətinin İdarə Heyətinə yeni sədr təyin edilib.
Bu vəzifəyə Orxan Əfəndiyev təyin edilib. O bu vəzifədə İsmayıl Əliyevi əvəz edib.
Qeyd edək ki, O.Əfəndiyev maliyyə sahəsində, o cümlədən sığorta sektorunda 17 illik iş təcrübəsinə malikdir. İlk peşəkar iş fəaliyyətinə 2008-ci ildə “A-Group” sığorta şirkətində aktuar kimi başlayan O.Əfəndiyev daha sonra fəaliyyətini “Azərbaycan Sənaye Sığorta” şirkətində məsul aktuar kimi davam etdirib. Bundan sonra “Günay Sığorta” və “A-Group” sığorta şirkətlərinin İdarə Heyətinin sədr müavini olub, 2019-2024-cü illərdə isə “Azərbaycan Sənaye Sığorta” şirkətinin İdarə Heyətinin sədri vəzifəsində çalışıb.
