Rusiyanın büdcə kəsiri xərclərin artması fonunda 2,7 trilyon rubla yüksəldi
Rusiya Maliyyə Nazirliyindən verilən yazılı açıqlamada ölkənin büdcə gəlirlərinin ilin ilk iki ayında keçən ilin eyni dövrü ilə müqayisədə 6,3 faiz artaraq 5,3 trilyon rubla çatdığı bildirilib.
Açıqlamada sözügedən dövrdə büdcə xərclərinin 30,5 faiz artaraq 8 trilyon rubla, büdcə kəsirinin isə 145 faiz artaraq 2,7 trilyon rubla çatdığı qeyd edilib.
Açıqlamada qeyri-neft və təbii qaz gəlirlərinin 3,8 trilyon rubl, neft və təbii qaz gəlirlərinin isə 1,5 trilyon rubl olduğu bildirilib.
Büdcə kəsirinin ÜDM-ə nisbətinin 1,7% olduğu məlumatının yer aldığı açıqlamada, büdcə qaydalarına uyğun olaraq sözügedən nisbətin 2025-ci ilin sonuna qədər 0,5 faizə endirilməsinin planlaşdırıldığı vurğulanıb.
Rusiyada büdcə xərcləri son illərdə xüsusilə müdafiə sənayesinə ayrılan xərclər hesabına xeyli artıb.
