Mərkəzi Bank 6 sığorta şirkətinə icrası məcburi göstəriş verib
Azərbaycan Mərkəzi Bankı (AMB) "Azsığorta", "Atəşgah Sığorta", "İpək Yolu Sığorta", "Xalq Həyat Sığorta", "Aqrar Sığorta" və "AzRe Təkrarsığorta" ASC-lərə icrası məcburi göstəriş verib.
ENA.az bu barədə AMB-yə istinadən xəbər verir.
Məlumata görə, qurumun həyata keçirdiyi araşdırmalar və sığorta bazarının ümumi monitorinqi zamanı “Sığorta fəaliyyəti haqqında” qanunda müəyyən edilmiş sığortaçılarda korporativ idarəetmə ilə bağlı tələblərinin təmin edilməsi məqsədilə qanunun 102.2.8-1-ci maddəsinə əsasən sığortaçılara icrası məcburi göstəriş verilib.
