Lirə ucuzlaşdı, 2 nəhəng bank milyonlar qazandı
Ötən il türk lirəsinin kəskin dəyər itkisi 2 böyük banka 155 milyon dollar qazandırıb.
"BI" xəbər verir ki, TRY/USD nisbətinin tarixi rekord həddə çatdığı 13 avqust 2018-ci il tarixində "HSBC" valyuta əməliyyatlarından 1 gündə 120 milyon dollar qazanıb. Qeyd edək ki, həmin tarixdə TRY/USD nisbəti 7,24 səviyyəsində olub.
Bu barədə dünyanın ən böyük bank və maliyyə xidmətləri göstərən qurumlardan biri olan "HSBC"nin 2018-ci il üzrə açıqladığı hesabatından məlum olub. Məlumata əsasən, bu rəqəm bankın fəaliyyətdə olduğu dövrdə bir gündə qazandığı ən yüksək gündəlik mənfəət olub.
Sözügedən tarixdə valyuta əməliyyatlarından ən çox qazanan banklardan biri də Almaniyanın "Deutsche Bank"ı olub. Belə ki, bankın qazancı 35 milyon dollar təşkil edib.
