Qeyri-Bank

Səudiyyə borclanma rekordunda Çini "taxtdan saldılar"

Bu il 33,2 milyard dollarlıq beynəlxalq istiqraz emissiyası ilə Səudiyyə Ərəbistanı Çini geridə qoyub və inkişaf etməkdə olan bazarlar arasında ən çox borcu olan ölkəyə çevrildi. 
Beləliklə, Səudiyyə Ərəbistanı inkişaf etməkdə olan bazarlar arasında ən çox beynəlxalq istiqraz buraxan ölkə kimi Çini geridə qoyub. Nəticədə  Çinin beynəlxalq borc bazarında inkişaf etməkdə olan ölkələr arasında 12 illik liderliyinə son qoyuldu.

Bloomberg-in məlumatına görə, bu il həm hökumətlər, həm də şirkətlər tərəfindən yeni istiqraz satışı ilə bağlı məlumatlar, qlobal borc investorlarının vəliəhd şahzadə Məhəmməd bin Salmanın 2030-cu ilə qədər planını dəstəkləməyə başlaması ilə krallığın rekord sürətlə borc aldığını ortaya qoydu.

Çin daxili borclanmaya diqqət yetirərkən, beynəlxalq ixracat son dövrlərin ən aşağı səviyyələrinə düşüb.

Səudiyyə Ərəbistanı qurumlarının istiqraz satışı bu il 8 faiz artaraq 33 milyard dolları keçib. Bu rəqəmin yarıdan çoxunu dövlət istiqrazlarının buraxılışı, o cümlədən keçən ay 5 milyard dollarlıq sukuk sövdələşməsi təşkil edib.

Krallıq bu il gözlənilən təxminən 21 milyard dollarlıq maliyyə kəsirini bağlamağa kömək etmək üçün alternativ maliyyə mənbələri tapmağa çalışır. Vision 2030-u sürətləndirərək il üçün ümumi maliyyələşdirmə fəaliyyətlərinin təxminən 37 milyard dollara çatmasıdır. 

Eyni dövrdə Çinin ümumi borclanması 23,3 milyard dollar olub. Beynəlxalq istiqraz bazarının aktiv oyunçularından olan Türkiyənin bu il beynəlxalq borcu 17 milyard dollara çatıb. Bu göstərici ilə Türkiyə inkişaf etməkdə olan bazarlar arasında ən çox borcu olan beşinci ölkədir.

Ümumilikdə, inkişaf etməkdə olan ölkələrin beynəlxalq istiqraz satışları əvvəlki ilə nisbətən 28 faiz artaraq 291 milyard dollara çatıb. Bloomberg indeksinə görə, investorların ABŞ istiqrazları əvəzinə inkişaf etməkdə olan bazar istiqrazlarını (dövlət və korporativ istiqrazların birləşməsi) almaq üçün tələb etdiyi əlavə gəlirlilik hal-hazırda təxminən 266 baza bəndi təşkil edir ki, bu da Bloomberg indeksinə görə beş illik orta 336 baza bəndindən aşağıdır.
 

Ən vacib xəbərləri Telegram kanalımızdan OXUYUN! (https://t.me/enaxeber)