Qlobal iflaslarda kəskin artım

Qlobal iflasların 11 faiz həcmində kəskin artacağı proqnozlaşdırılır. Allianz Trade-nin dünyanın hər yerindən ekspert iqtisadçıların hazırladığı Qlobal İflas Hesabatı 2024-cü il məlumatları və araşdırmalarına görə, bir çox ölkədə 2024-cü ildə iflasların ikirəqəmli sürətlə artacaq.

Fevral ayında dərc olunan 2024-cü il üçün ilk qlobal iflas hesabatında qlobal iflasların 2024-cü ildə 9 faiz artacağını və daha sonra 2025-ci ildə sabitləşəcəyini proqnozlaşdırmışdı. Bununla belə, qlobal iflas proqnozunu daha da bədbin edən son hadisələr fonunda, qlobal iflasların 2024-cü ildə əvvəlki təxminlərə nisbətən 2 ballıq artımla yüzdə 11-ə ça olacağı və faiz artımı üzrə pik səviyyəyə çatması gözlənilir. Kommersiya iflaslarının 2026-cı ilə qədər davamlı olaraq artacağı və 2026-cı ildə iflasların səviyyəsi sabitləşsə belə, yüksək qalacağı bildirilir.

İflasların 2025-ci ildə ABŞ-da 12 faiz, Almaniyada 4 faiz artacağı, 2026-cı ildə isə hər iki ölkədə 4 faiz azalacağı gözlənilir. Fransa və Böyük Britaniyada çox yüksək olan müflisləşmə səviyyəsinin 2026-cı ilə qədər daha mülayim rəqəmlərə düşəcəyi proqnozlaşdırılır. 2025-ci ildə hər iki ölkədə iflasların 6 faiz, Fransada 3 faiz, 2026-cı ildə Böyük Britaniyada 4 faiz azalacağı proqnozlaşdırılır. İtaliyada iflaslar artmaqda davam edəcək və 2025-ci ildə 4 faizə, 2026-cı ildə isə 3 faizə çatacağı gözlənilir. Çində kommersiya iflasları aşağı səviyyədən qalxmağa başlayacaq və Allianz Trade proqnozlarına görə, 2025 və 2026-cı illərdə müvafiq olaraq 5 faiz və 6 faiz artacaq.

İkirəqəmli müflisləşmə ilə üzləşən ölkələr qlobal ÜDM-in yarıdan çoxunu təşkil edir. Allianz Trade-nin 2024-cü il iflas indeksinin 2016-2019-cu illər üzrə qlobal orta göstəricidən 13 faiz yuxarı, lakin Qlobal Maliyyə Böhranı səviyyəsindən 11 faiz aşağı olacağına dair proqnozu da hesabatdakı məlumatlar arasında diqqəti çəkir.