Bitcoin 60 min dolların altına düşdü - SƏBƏB
ABŞ Federal Ehtiyat Sisteminin (FED) faiz qərarından əvvəl Binance-in baş icraçı direktoru (CEO) vəzifəsindən istefa verən Changpeng Zhao-nun 4 aylıq həbs cəzasına məhkum edilməsindən sonra Bitcoin kriptovalyutasının qiyməti 60 min dollardan aşağı düşüb.
Coinmarketcap analiz şirkətinin məlumatına görə, Bitcoin də daxil olmaqla qlobal kriptovalyuta bazarının dəyəri 24 saat ərzində təxminən 5,2 faiz azalaraq 2 trilyon 210 milyard dollara düşüb.
Ən böyük kriptovalyuta olan Bitcoin-in qiyməti son 24 saatda 59 min 120 dollara olub. 23.38 CET tarixinə 59 min 750 dollardan ticarət edilən bitkoinin həftəlik dəyər itkisi yüzdə 10-a yaxınlaşıb.
Martın 14-də 73 750 dollarla bütün zamanların ən yüksək həddinə çatan Bitcoin-in ucuzlaşması 46 gündə 18 faizi ötüb.
Bazar dəyərinə görə 2-ci yerdə olan Ethereum-un qiyməti 3 min dollardan aşağı düşüb. 23.38 GMT-ə olan məlumata görə, Ethereum 2 min 954 dollar səviyyəsində alınıb.
Analitiklər ABŞ-da inflyasiya təzyiqlərinin davam etdiyinə işarə edən məlumatlardan sonra kriptovalyuta bazarında mənfi tendensiyanın müşahidə olunduğunu bildiriblər.
Analitiklər həmçinin ABŞ-da gözləniləndən daha güclü məşğulluq xərclərinin daimi inflyasiya təzyiqlərinə işarə etdiyini ifadə edərək, kriptovalyuta investorlarının FED-in sabah açıqlayacağı faiz qərarından əvvəl ehtiyatlı olduqlarını ifadə ediblər.
Zhaonun 4 aylıq cəzası da təsirli olub
2023-cü ilin noyabrında ABŞ hökuməti ilə bağladığı razılaşmaya əsasən Binance kriptovalyuta birjasının baş icraçı direktoru (CEO) vəzifəsindən istefa verən Changpeng Zhao-nun 4 aylıq həbs cəzası da kriptovalyutadakı kəskin satışlara təsir etdi.
Zhaonun vəkilləri keçmiş baş direktorun səhvini etiraf etdiyini, ABŞ-a könüllü gəldiyini, əvvəllər heç bir qanunu pozmadığını və əməkdaşlıq etdiyini iddia etdilər.
Bir vaxtlar "kripto sənayesinin ən güclü adamı" hesab edilən və "CZ" kimi tanınan Zhao "çirkli pulların yuyulmasına qarşı lazımi müdafiəni təmin etmədiyi" üçün 4 ay həbs cəzasına məhkum edilib.
