Yapı Kredi bankın səhmlərini almaq istəyən yeni müştəri çıxıb
Azərbaycanda da fəaliyyət göstərən Yapı Kredi banka yeni müştəri çıxıb. Bloomberg-in məlumatına görə, Birləşmiş Ərəb Əmirliklərində yerləşən First Abu Dhabi Bank, Yapı Kredinin səhmlərini almaq üçün danışıqlar aparır.
First Abu Dhabi Bank PJSC, Yapı Ve Kredi Bankası-dan potensial səhm alışı üçün danışıqlar aparır. Danışıqların ilkin mərhələdə olduğu bildirilib.
FAB, Yapı Kredi və Koç Holdinq Bloomberg-ə məsələ ilə bağlı şərh verməyib.
Bundan əvvəl Dubai İslam Bankı TOM Group-dan 20 faiz səhm alacağını açıqlamışdı.
Körfəz bankları Türkiyəni coğrafi yaxınlığına, bank sistemi ilə tanışlığına və 85 milyondan çox əhalisinə görə inkişaf üçün potensial bazar kimi görür.
Dubayda yerləşən Emirates NBD, 2019-cu ildə Denizbank-ı 2,8 milyard dollara alıb. Səudiyyə və Küveyt bankları uzun müddətdir ki, Türkiyədədir. Səudiyyə Ərəbistanının ən böyük bankı olan Milli Kommersiya Bankı 2007-ci ildə Türkiyə Finans Katılım Bankası-nı 1,08 milyard dollara satın aldı. Küveyt Maliyyə Evi isə 1989-cu ildə Türkiyədə tamamilə sahibi olduğu Kuveyt Türk İştirak Bankını qurdu.
