Google süni intellekt chatbotuna ödənişli abunəliyə başladı - QİYMƏT
Google tərəfindən edilən açıqlamada, keçən il istifadəyə verildiyi gündən bəri dünyanın bir çox istifadəçisinin Bard-dan iş müsahibələrinə hazırlaşmaq, kodları aradan qaldırmaq, yeni fikirlərini, beyin fırtınası etmək və ya şəkillər yaratmaq üçün istifadə etdiyinə diqqət çəkilib.
Açıqlamada Bardın bundan sonra "Gemini" adlandırılacağı bildirilib və "Pro 1.0" modeli ilə hazırda 40-dan çox dildə və 230-dan çox ölkə və bölgədə söhbət edə biləcəyi qeyd edildi.
Açıqlamada, "Gemini Advanced" ilə mobil tətbiqin istifadəyə verildiyi və "Gemini Advanced"in şirkətin Ultra 1.0-a girişi təmin edən yeni bir təcrübə olduğu ifadə edilib.
Açıqlamada, Ultra 1.0 modeli ilə Gemini Advanced-in mürəkkəb vəzifələrdə çox daha bacarıqlı olduğu, daha uzun və ətraflı söhbətlərə imkan verdiyi, Gemini Advanced-in 150-dən çox ölkə və bölgədə ingilis dilində təklif edildiyi və genişləndiriləcəyi bildirilib.
Açıqlamada, Gemini Advanced-in yeni "Google One AI Premium" planının bir hissəsi olaraq ayda 19,99 dollara, 2 aylıq pulsuz sınaq müddəti ilə istifadə edilə biləcəyi qeyd edildi.
Açıqlamada, sözügedən planın mövcud Google One Premium planının bütün üstünlüklərini, həmçinin Google AI-nin ən son inkişaflarını təqdim edəcəyi və AI Premium abunəçilərinin tezliklə Gemini-ni, Gmail, Sənədlər, Slaydlar, Cədvəllər kimi Google xidmətlərində istifadə edə biləcəkləri bildirilib.
Açıqlamada Android və iOS-da Google tətbiqində yeni tətbiq ilə Gemini və Gemini Advanced üçün yeni mobil təcrübənin təqdim ediləcəyi bildirilib və müxtəlif əməliyyatların telefondan asanlıqla həyata keçirilə biləcəyi paylaşılıb.
