Manatın möhkəmlənməsinin qarşısını almaq üçün AMB yenə dollar alışı etdi

Azərbaycan Mərkəzi Bankı 2023-cü ildə valyuta alışı məqsədilə valyuta bazarında 2,1 milyard dollar məbləğində alış həyata keçirib. Mərkəzi Bankın sədri Taleh Kazımovun sözlərinə görə, 2023-cü ildə Mərkəzi Bankda keçirilmiş valyuta hərracının 92%-də təklif tələbi üstələyib. Bu dövrdə manatın nominal effektiv məzənnəsi 19.3% bahalaşıb ki, bu da idxal inflyasiyasına azaldıcı təsir göstərən əsas amildir.

Qeyd edək ki, 2022-ci ildə AMB valyuta bazarında əməliyyatlar çərçivəsində 2 milyard 48 milyon dollar məbləğində xarici valyuta alıb. Beləliklə, AMB 2023-cü ildə xarici valyuta alışı məqsədilə valyuta bazarında intervensiyaları 2,4% artırıb. 

AMB-də daha əvvəl bəyan edildiyi kimi, 2024-cü ildə bank, çox güman ki, xarici valyuta alışı məqsədilə valyuta bazarında intervensiyalar tendensiyasını saxlayacaq. “Beynəlxalq təşkilatlar 2024-cü ilə enerji qiymətləri proqnozlarını yüksək saxlamışlar. Mövcud meyillərin davam etməsi halında 2024-cü ildə də Mərkəzi Bankın valyuta bazarına müdaxiləsinin alışyönlü olması ehtimalı var”, - AMB sədri 2023-cü ilin dekabr ayında açıqlamasında qeyd edib.