Dünya bazarlarında dollar bahalaşır
FED üzvü Kristofer Uollerin açıqlamaları, Çin iqtisadiyyatından, xüsusilə daşınmaz əmlak sektorundan gələn zəif məlumatlar və Qırmızı dəniz ticarət dəhlizi ilə bağlı qeyri-müəyyənliklər dollara tələbi artırıb.
Dollar İndeksi çərşənbə axşamı 0,8 faiz artımla bağlanaraq mart ayından bəri ən sürətli yüksəlişini qeyd edib. İndeks də çərşənbə axşamı günü 1237 bəndlə dekabrın 12-dən bəri ən yüksək səviyyədə bağlanıb və yeni ticarət günündə də yüksəlir.
Amundi Asset Management-in Sabit Gəlirli Qiymətli Kağızlar və Valyuta Direktoru Paresh Upadhyaya, “Bazarlar FED-in faiz dərəcələrinin azaldılması ilə bağlı çox optimist olaraq qalır. Bu, geosiyasi risk və ya siyasi qeyri-müəyyənlik səbəbindən riskdən qaçmaq istənildikdə, dolları təhlükəsiz vəsait kimi artıracaq”, -deyə o şərh edib.
Çinin başçılıq etdiyi Asiya Sakit Okean səhmləri azalarkən, ABŞ fond fyuçersləri də zəifləyir. Honq Konqun Hang Seng indeksi 2,8 faiz, Çinin CSI 300 indeksi isə 0,7 faiz ucuzlaşıb.
S&P 500 fyuçersləri 0,2 faiz ucuzlaşıb. Çərşənbə axşamı günü 12 bənd yüksələn ABŞ 10 illik istiqraz faizi bu səhər bir bənd azalaraq 4,05 faizə düşüb.
