Bayden Konqresin İsrailə yardım qanununa veto qoyacaq
Əgər ABŞ Nümayəndələr Palatası İsrailə yardımın ayrılması ilə bağlı qanun layihəsini qəbul edərsə, o zaman prezident Co Bayden belə bir qərara veto qoyacaq.
Bu barədə Ağ Evin Büdcə İdarəsinin məlumatında deyilir.
ABŞ administrasiyası hesab edir ki, İsrail və Ukraynaya 105 milyard dollarlıq yardım tələbini bölüşdürməyi təklif edən respublikaçı konqresmenlər ikitərəfli əsasda nəzərdən keçirilməsi zəruri olan məsələni siyasiləşdirirlər.
Ağ Ev vurğulayıb ki, İsrailə yardım tələbinin digər milli təhlükəsizlik prioritetlərindən ayrılması qlobal nəticələrə səbəb olacaq. Ona görə də, Baydenə belə bir layihə təqdim olunarsa, ona veto qoyacaq.
