Neftin qiymətində "İran faktoru"
ABŞ xam nefti bugün yenidən bahalaşaraq 90 dolları ötüb. ENA.az xəbər verir ki, ekspertlər neftin qiymətinin 100-120 dollar/barel səviyyəsinə qalxması riskinin yüksək olduğunu bildirirlər.
Londonun ICE Futures birjasında çərşənbə axşamı saat 9:15-ə Brent markalı neftin dekabr fyuçerslərinin qiyməti bir barel üçün 90,03 dollar təşkil edir ki, bu da əvvəlki sessiyanın bağlanışına nisbətən 1,41 dollar (0,51%) çoxdur. Bazar ertəsi bu müqavilələrin qiyməti 1,24 dollar (1,4%) azalaraq 89,65 dollar/barel olub.
Bayden Həmas-İsrail münaqişəsindən sonra dəstəyini göstərmək üçün çərşənbə günü ölkəyə səfər edəcək. İsrail də Qəzzaya qurudan hücum planlarını davam etdirir.
Xam neft bazarı Yaxın Şərqdəki qəfil böhranın İsrail və Qəzzadan kənara yayılma riski ilə bağlı narahatlıqlar fonunda qalmaqdadır. HƏMAS-ı dəstəkləyən İran xəbərdarlıq edib ki, müharibənin genişlənməsi “qaçılmaz mərhələyə yaxınlaşır”. Tehran Livanın cənubundakı Hizbullah silahlı qruplaşmasını da dəstəkləyir.
"Neft qiymətləri ilə bağlı məhdudiyyət əsasən münaqişənin daha geniş yayılmamasından asılıdır" deyə Sinqapurdakı Mizuho Bankın Asiya iqtisadiyyatı və strategiyasının rəhbəri Vişnu Varathan bildirib ki, xam neftin 100-120 dollar səviyyəsi fundamental hal olmasa da, belə bir artım əhəmiyyətli və artan riskdir.
Bu arada, regiondan kənarda xam neft investorları Venesuela hökumətinin çərşənbə axşamı müxalifətlə müqavilə imzalaya biləcəyi Barbadosdakı hadisələri izləyəcək. Əgər belə bir saziş imzalansa, bu, ABŞ-a ölkəyə qarşı sanksiyaları yumşaltmağa və potensial olaraq neft ixracını artırmağa zəmin yarada bilər.
