Avropa ABŞ şirkəti Intel-ə 376 milyon avro cərimə kəsdi
Avropa İttifaqı (Aİ) Komissiyası, ABŞ-da yerləşən çip istehsalçısı Intel-i bazardakı hökmranlığından sui-istifadə etmək səbəbilə "yenidən" cərimələmək qərarına gəldiyini açıqladı.
ENA.az xəbər verir ki, açıqlamada, Intel-in Aİ-nin antiinhisar qaydalarını pozaraq, 2002-2006-cı illər arasında kompüter istehsalçıları Hewlett Packard, Acer və Lenovo kimi rəqiblərini müvafiq bazardan kənarlaşdırmağa yönəlmiş praktikalarla məşğul olduğu və bu cərimə qərarının Intel-in rəqib şirkətlərin mərkəzi prosessorlarının bazara çıxarılmasını gecikdirmək və satmaq cəhdlərinəqarşı olduğu bildirilib.
2009-cu ildə Aİ Komissiyası ABŞ-ın Intel şirkətini kompüter istehsalçılarına endirimlər tətbiq edərək bazarda rəqabətə zidd davranışlar nümayiş etdirdiyi səbəbilə 1,06 milyard avro məbləğində cərimə etmişdi.
Intel bu cəzaya qarşı hüquqi mübarizəyə başladı.
Aİ-nin ən yüksək məhkəməsi olan Avropa Ədalət Məhkəməsinin strukturuna daxil olan AB Baş Məhkəməsi 13 il əvvəl Intel-ə 1,06 milyard avro cərimə kəsən Komissiya qərarını 2022-ci ildə ləğv etmək qərarına gəlib.
Faylda dəyişiklik edilib
Məhkəmə, Komissiyanın İntel-ə qarşı cəriməyə dair araşdırmasının natamam olduğunu və şirkətin tətbiq etdiyi endirimlərin rəqabətə zidd təsir göstərib-götürməməsi ilə bağlı lazımi hüquqi standartlara əməl edilmədiyinə qərar verdi.
Yeni cəza ilə AB Komissiyası söz mövzusu rəqabət faylı daxilində dəyişikliklər etdi.
Aİ Komissiyası Aİ-də fəaliyyət göstərən şirkətlərin sektorlarında rəqabətə zidd vəziyyətin olub-olmamasını yoxlamaq səlahiyyətinə malikdir.
Aİ Komissiyası araşdırma zamanı rəqabət və ya antiinhisar qanunlarını pozan vəziyyət aşkar edərsə, buna son qoyur və şirkətlərə yüksək cərimələr tətbiq edir.
