Rusiya ehtiyatdakı qüvvələrini vaxtından əvvəl cəbhəyə yollayır - KƏŞFİYYAT
Britaniya kəşfiyyatı hesab edir ki, Rusiya ehtiyat hərbi hissələrini planlaşdırılmış vaxtdan daha tez cəbhəyə göndərir.
ENA.az xəbər verir ki, bu barədə Böyük Britaniya Müdafiə Nazirliyinin son hesabatında məlumat verilib.
Məlumata görə, ilk dəfə olaraq Ukraynada Rusiya Quru Qoşunlarının 25-ci Birləşmiş Silahlı Qüvvələrinin bölmələri ehtiyatdan cəbhəyə köçürülüb. Əslində onlar dekabr ayından tez istifadə edilməməli idi.
Xülasədə qeyd edilib ki, bu, Ukraynanın əks-hücumuna görə Rusiya qüvvələrinin “həddindən artıq yüklənməsi” ilə əlaqədar, həmçinin Rusiya komandanlığına daha çox əməliyyat çevikliyi təmin etmək üçün edilə bilər.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
