Kart məlumatlarının təhlükəsizliyini Yelo App ilə qoru

Ölkəmizdə rəqəmsal ödənişlərin artması ilə dələduzluq halları da genişlənir. Baş verən hadisələrin böyük əksəriyyətində dələduzlar şəxsi telefon nömrələrinə zəng edir və ya mesaj göndərirlər. Onlar özlərini çox vaxt bank əməkdaşı kimi təqdim edirlər. Yelo Bank müştərilərinin maliyyə təhlükəsizliyi üçün diqqət etməli olduqları məqamları bir daha xatırladır:

– Heç bir halda tanımadığınız nömrələrdən gələn zənglərdə kartınızın üzərindəki rəqəmləri, yararlılıq tarixini və CVV kodunu deməyin,

– SMS, e-mail və ya messencerdən göndərilən şübhəli mesajlardakı linklərə keçid etməyin,

– SMS ilə göndərilən birdəfəlik şifrələri (OTP) heç kimlə paylaşmayın,

– Şübhəli hallarda dərhal bank kartınızın üzərindəki mobil nömrə ilə əlaqə saxlayın,

– Kartınızın təhlükəsizliyi üçün smartfonunuza Yelo App yükləyin.

Rahat interfeysi və çevikliyi sayəsində Yelo App ilə kartı idarə etmək çox asandır. Belə ki, Yelo App ilə kart limitlərini bir toxunuşla dəyişə bilirsiniz. Əgər kartınız itib və ya oğurlanıbsa, Yelo App-də kartınızı bloklaya bilirsiniz. Kartı blokdan çıxarmaq da, PİN kod yaddan çıxarsa, tətbiqdə yeni PİN kod təyin etmək də, yanlış cəhdləri sıfırlamaq da bir-iki kliklə mümkündür.

Rəqəmsal ödənişlərdə fırıldaqçılıq hadisələrinin geniş yayıldığını nəzərə alsaq, şübhəli hallarda onlayn ödəniş limitlərini dərhal sıfırlaya bilərsiniz. Push məlumatlandırma sayəsində karta mədaxil və məxariclərdən də dərhal xəbər tutursunuz. Qeyd edək ki, Yelo App-də, həmçinin, SMS məlumatlandırma xidmətini də aktivləşdirə bilərsiniz. 

Yelo Bank bir daha fırıldaqçılara qarşı diqqətli olmağa və heç bir halda kart məlumatlarını kənar şəxslərə bildirməməyə səsləyir. Unutmayın ki, bank məlumatlarınızın təhlükəsizliyi ilk növbədə sizdən asılıdır. Büdcənizi 24/7 idarə etmək üçün isə Yelo App-i yükləyin: https://bit.ly/ylmbltb 

Taksit kartı ilə maraqlanırsınız? O zaman 981 nömrəsinə zəng edin və ya Facebook, Instagram və ya Whatsapp hesablarımıza yazın.

Yelo Bank – Parlaq bankçılıq!