Dünya bazarlarında neftin qiyməti- 16.08.2023
Amerika Neft İnstitutunun (API) ötən həftə xam neft ehtiyatlarının kəskin azalması ilə bağlı məlumatlarına baxmayaraq, neft qiymətləri çərşənbə günü də ucuzlaşmağa davam edib.
Bugün Bakı vaxtı ilə saat 09:05-ə Londonun ICE Futures birjasında Brent markalı neftin oktyabr fyuçerslərinin dəyəri bir barel üçün 84,64 dollar təşkil edir ki, bu da əvvəlki sessiyanın bağlanış qiymətindən 0,25 dollar (0,29%) aşağıdır.
Nyu-York əmtəə birjasının (NYMEX) elektron hərraclarında sentyabr ayı üçün WTI markalı neftin fyuçerslərinin qiyməti bu vaxta qədər 0,21 dollar (0,26%) ucuzlaşaraq bir barelə görə 80,78 dollar təşkil edib.
Ötən həftə ABŞ-da enerji ehtiyatları ilə bağlı rəsmi məlumatlar çərşənbə günü Bakı vaxtı ilə saat 18:30-da dərc olunacaq. S&P Global Commodity Insights tərəfindən sorğu keçirən ekspertlər orta hesabla neft ehtiyatlarının 2,26 milyon barel, benzinin 1,6 milyon barel azalacağını proqnozlaşdırır və distillat ehtiyatlarının dəyişməsini praktiki olaraq gözləmirlər.
