Rusiya-Ukrayna müharibəsinin 500 GÜNÜ
500 gün əvvəl Rusiya qərb qonşusu Ukraynaya qarşı genişmiqyaslı işğala başlayıb. Kreml tez “xüsusi hərbi əməliyyat”a ümid edirdi, lakin 16,5 ay keçsə də, döyüşlər hələ də davam edir və heç bir son görünmür.
2022-ci il fevralın 24-də səhər tezdən Putin televiziya ilə "Ukraynada xüsusi hərbi əməliyyata" başladıqlarını elan etdi.
“Xüsusi hərbi əməliyyat”ın səbəbini açıqlayan Putin bildirib ki, separatçı adlanan administrasiyalar Rusiyadan hərbi yardım istəyiblər. “Əməliyyatın məqsədi 8 il ərzində Kiyev rejimi tərəfindən zorakılığa və soyqırıma məruz qalmış insanları qorumaqdır”, - Putin bildirib.
Rusiya ordusu Ukraynadakı strateji hədəflərə qarşı tez-tez uzaq mənzilli, yüksək dəqiqlikli raketlərdən istifadə edib. ABŞ və Avropa ölkələri Ukraynaya silah dəstəyini artırıb. Rusiya və Ukrayna ordularının qarşılıqlı hücumlarında mülki əhali arasında itkilər olub.
Təkcə Rusiya ordusunun 47 min əsgərinin öldüyü açıqlanıb.
Ərzaq böhranının qarşısını almaq üçün taxıl müqaviləsi
22 iyul 2022-ci il tarixində dünyada baş verə biləcək ərzaq böhranının qarşısını almaq üçün Türkiyə, Rusiya, Ukrayna və Birləşmiş Millətlər Təşkilatı (BMT) arasında “Ukrayna Limanlarından Taxıl və Ərzaq Məhsullarının Təhlükəsiz Daşınması Təşəbbüs Sənədi” imzalanıb.
Rusiya "Ukraynanın Krım körpüsünə və Sevastopol dəniz bazasına hücumu" səbəbiylə taxıl müqaviləsini dayandırmaq istəyirdi, lakin prezident Ərdoğanın təşəbbüsü ilə razılaşmalar mayın 17-dən etibarən 60 gün uzadıldı.
Müqavilə sayəsində ehtiyacı olanlara 33 milyon tona yaxın taxıl çatdırılıb. Bundan əlavə, Ərdoğan və Putin kasıb ölkələrə gübrə və taxıl göndərmək barədə razılığa gəliblər.
