İki dəfə həbs edilən gömrükçülər yenidən azadlığa buraxıldı
Bakı Baş Gömrük İdarəsinin Gömrük Əməliyyatları İdarəsinin Gömrük Prosedurları və Ödənişləri Şöbəsinin sabiq əməkdaşları Ceyhun Şabanov və Sadiq İsgəndərov azadlığa buraxılıblar.
Gömrükçülər cəzalarının çəkilməmiş hissəsindən şərti olaraq azad ediliblər.
Yerli məhkəmənin qərarında deyilir ki, məhkumlar dərhal həbsdən buraxılmalıdırlar.
Qeyd edək ki, Bakı Ağır Cinayətlər Məhkəməsinin 16.03.2022-ci il tarixli hökmü ilə Sadiq İsgəndərov və Ceyhun Şabanov məhkəmə zalından azadlığa buraxılmışdılar. Sonradan dövlət ittihamçısı hökmdən protest vermişdi.
Bundan sonra Bakı Apellyasiya Məhkəməsində C.Şabanov və S.İsgəndərov barəsində iki il müddətinə azadlıqdan məhrumetmə qərarı çıxarılmış, onlar yenidən məhkəmə zalında həbs olunmuşdular.
