IBM 8 minə yaxın əməkdaşını süni intellektlə əvəz etməyi gözləyir
IBM-in baş direktoru Arvand Krişna bildirib ki, onun şirkəti yaxın gələcəkdə süni intellektlə asanlıqla əvəz oluna biləcək vəzifələrə işçilərin işə götürülməsini dayandırmaq niyyətindədir.
Krişnanın sözlərinə görə, süni intellekt hazırda şirkətin məhsulları ilə birbaşa əlaqəsi olmayan bəzi ofis mütəxəssislərinin yerinə yetirdiyi rutin işlərin öhdəsindən asanlıqla gələ bilər. Cənab Krişnanın sözlərinə görə, IBM-də təxminən 26.000 belə işçi var: “Mən asanlıqla təsəvvür edə bilərəm ki, bu rəqəmin 30%-i beş illik perspektivdə süni intellekt və avtomatlaşdırma ilə necə asanlıqla əvəz oluna bilər,” IBM-in baş direktoru deyib. Beləliklə, təxminən 7,8 min nəfər azalma altına düşə bilər.
