ABŞ-dakı bank böhranından sonra "ixtisar dalğası" başladı
ABŞ-dakı bank böhranından sonra Wall Street nəhənglərinin işçiləri ixtisaretmə dalğasına Morgan Stanley də qoşuldu. Dekabr ayında 1600-ə yaxın insanı işdən çıxaran Morgan Stanley daha 3000 nəfəri, yəni bank işçilərinin 5 faizini ixtisar etməyə hazırlaşır.
Morgan Stanley, "tənəzzül qorxuları"nın iqtisadiyyatın bərpasını gecikdirdiyi üçün işdən çıxarmaların növbəti mərhələsinə hazırlaşır.
Mənbələrin Bloomberg-ə verdiyi məlumata görə, yüksək səviyyəli rəhbərlər bu rübün sonuna qədər təxminən 3 min iş yerini ixtisar etməyi düşünürlər. Bu, maliyyə məsləhətçiləri və aktivlərin idarə edilməsi bölməsində onlara dəstək verən işçilər istisna olmaqla, bank işçilərinin təxminən 5 faizini təşkil edir.
Bir mənbə, bank və broker qrupunun ixtisarların əksəriyyətini öz üzərinə götürməsinin gözlənildiyini söylədi.
Fed-in faiz artımı və bunun ardınca gələn regional bank böhranı vasitəsilə inflyasiyanı cilovlamaq istəyi fəaliyyəti daha da zəiflətdi.
Bankın baş direktoru Ceyms Qorman keçən ay anderraytinq və birləşmə fəaliyyətlərinin sıxışdırıldığını və bu ilin ikinci yarısından və ya 2024-cü ildən əvvəl bərpa gözlənilmədiyini söylədi.
