Suriyada İran maşınlarına dron zərbələri endirildi
Suriyada 25 yük maşınından ibarət karvan hava hücumuna məruz qalıb.
ENA.az xəbər verir ki, bu barədə "Al-Arabia" telekanalı məlumat yayıb.
Yük maşınlarının İrandan gəldiyi və İslam İnqilabı Keşikçiləri Korpusunun dəstəklədiyi qruplar üçün silah daşıdığı bildirib.
Məlumata görə, zərbə Suriyanın Əl-Bukamale şəhəri yaxınlığında “Hizbullah”ın nəzarətində olan qeyri-rəsmi sərhəd-keçid məntəqəsi ərazisində baş verib. PUA-larla endirilən zərbə nəticəsində 6 yük maşını sıradan çıxıb.
Qeyd olunub ki, hələlik heç kim hücuma görə məsuliyyəti üzərinə götürməyib.
