Ərdoğan Putinlə danışıqlar apardı
Türkiyə Prezidenti Rəcəb Tayyib Ərdoğanla Rusiya lideri Vladimir Putin arasında telefon danışığı olub.
ENA.az xəbər verir ki, məlumatı Türkiyə Prezident Administrasiyasının Kommunikasiya İdarəsi yayıb.
Telefon danışığı zamanı Türkiyə-Rusiya münasibətləri, xüsusilə enerji, Rusiya-Ukrayna müharibəsi və Suriya kimi regional məsələlər müzakirə edilib.
Ərdoğan Türkiyədə təbii qaz mərkəzinin yaradılması üçün infrastrukturu gücləndirməkdə davam etdiklərini ifadə edərək konkret addımlar atmağı hədəflədiklərini bildirib.
O, Rusiya-Ukrayna müharibəsi ilə bağlı taxıl dəhlizi ətrafında aparılan danışıqlar, əsir mübadiləsi və Zaporojye AES ətrafında təhlükəsiz zona təşəbbüslərinin müsbət nəticələrinin şahidi olduqlarını xatırladıb.
Terror təşkilatı PKK/PYD/YPG-nin Türkiyənin sərhəd bölgələrindən, xüsusilə Tel-Rıfat və Menbicdən təmizlənməsi üçün artıq konkret addımların atılmasının lazım olduğunu vurğulayan Ərdoğan rejimin konstruktiv olması və siyasi prosesdə müəyyən işlərin görülməsinin vacibliyini önə çəkib.
