“Apple” Rusiyadakı baş ofisindən imtina edir
Amerikanın “Apple” şirkəti Kremlin yaxınlığındakı “Romanov Dvor” biznes mərkəzindəki ofisini icarəyə verməkdən imtina edəcək. İlk dəfə “Apple” 3.5 min kvadratmetr icarəyə götürüb, lakin beş il sonra sahəni 4.7 min kvadratmetrə qədər artırıb. 2020-ci ildə Covid-19 pandemiyasının başlaması ilə bu ofis tam da istifadə olunmayıb.
ENA.az bu barədə “RBC”ya istinadən xəbər verir.
İcarəyə xitam vermək qərarı sentyabrda Rusiyada qismən səfərbərlik elan edildikdən sonra qəbul edilib, hazırda şirkət müqavilənin ləğvi şərtləri ilə bağlı danışıqlar aparır.
Sentyabrın sonunda “Vedomosti” mənbələrə istinadən bildirmişdir ki, “Apple” Rusiya ofisinin işçilərinin çoxunu Qırğızıstana, digər bir hissəsini isə Dubay və Londona köçürüb.
