Baş nazir bu qərarları - LƏĞV ETDİ
Baş nazir Novruz Məmmədov üç dövlət qurumunun tərkibi haqqında qəbul edilmiş qərarları ləğv edib.
"BI" xəbər verir ki, bunlar “Azərbaycan Respublikası Nəqliyyat Nazirliyinin kollegiyasının tərkibi haqqında” 2005-ci il 6 yanvar tarixli 2 nömrəli, “Azərbaycan Respublikasının Dövlət Dəniz Administrasiyası kollegiyasının tərkibi haqqında” 2006-cı il 30 iyun tarixli 161 nömrəli, “Azərbaycan Respublikası Dövlət Mülki Aviasiya Administrasiyasının kollegiyasının tərkibi haqqında” 2008-ci il 16 iyul tarixli 159 nömrəli qərarlardır.
Qərarların ləğvinə səbəb isə “Azərbaycan Respublikasında nəqliyyat, rabitə və yüksək texnologiyalar sahəsində idarəetmənin təkmilləşdirilməsi ilə bağlı bəzi tədbirlər haqqında” Prezidentin 2018-ci il 12 yanvar tarixli 1785 nömrəli Fərmanının 11.2-ci bəndinin icrasını təmin etmək məqsədi ilə həyata keçirilir.
