Azərbaycanda icbari tibbi sığorta daxilolmaları proqnozdan yüksək olub
Bu ilin yanvar-iyul aylarında Azərbaycanda icbari tibbi sığorta haqları üzrə daxilolmalar 458,6 milyon manat təşkil edib.
İqtisadiyyat Nazirliyi yanında Dövlət Vergi Xidməti xəbər verir ki, bu, proqnoza nisbətən 3,3 %, ötən ilin eyni dövrü ilə müqayisədə isə 40,5 % çoxdur.
7 aylıq icbari tibbi sığorta daxilolmalarının 311,6 milyon manatı qeyri-büdcə təşkilatlarının payına düşüb. Bu isə proqnoza nisbətən 1,8 %, 1 il əvvəllə müqayisədə isə 52,8 % çoxdur.
