Azərbaycanın bank sektorunda aktivlərin 14 milyard manatı 23 bankda, 21 milyard manatı isə 3 bankdadır - RENKİNQ

Bu ilin 6 ayının nəticələrinə görə Azərbaycanın bank sektorunda əsas göstərici – aktivlərin həcmi üzrə dinamika maraqlı nəticələr göstərir. 30 iyun 2022-ci il tarixinə Azərbaycanın bank sisteminin ümumi aktivləri yeni rekord səviyyəyə - 41 milyard 920,2 milyon manata çatıb. Aktivlərin 27 milyard 111 milyon manatı 3 bankın – ABB, Kapital Bank və PAŞA Bankın payına düşür.  Faizlə ifadə etsək bu o deməkdir ki, cəmi aktivlərin 66 %-i 3 bankın əlində cəmləşib. Qalan 23 bankın aktivləri isə cəmi 14 milyard 808 milyon manatdır.

Aktivlərin artımına görə top 5 banklar aşağıdakılardır:

1. Azərtürk Bank – 32%
2. Yelo Bank – 29%
3. Günay Bank – 16%
4. PAŞA Bank – 14%
5. Bank of Baku – 14%

Ötən 6 ayda aktivləri azalan top 5 banklar bunlardır:

1. Bank VTB (Azərbaycan) - 14%
2. Premium Bank – 11%
3. Azərbaycan Sənaye Bankı – 10%
4. Rabitəbank – 5%
5. Yapı Kredi Bank Azərbaycan – 3%