Elm və Texnologiya

ABŞ Konqresi “UNO”ları gündəmə gətirib

Pentaqon rəsmiləri konqresmenlərə ABŞ hərbi texnikasının Uçan Naməlum Obyektlərlə (NUO-UFO) toqquşması ilə bağlı on bir hadisə barədə məlumat veriblər.

ENA.az xəbər verir ki, Konqresin Nümayəndələr Palatasının kəşfiyyat üzrə xüsusi komitəsinin alt komitəsində keçirilən açıq dinləmədə ABŞ Hərbi Dəniz Qüvvələrinin kəşfiyyat üzrə direktor müavini Skot Breydən Amerika hərbi texnikasının UNO-larla toqquşması hallarının olub-olmaması soruşulub.

“Bizim heç bir toqquşmamız olmayıb. Ancaq bunun az qala baş verdiyi ən azı on bir hadisə var idi”-deyə, Pentaqon rəsmisi bildirib.

Brey bildirib ki, bu hallarda naməlum obyektlərdən toqquşma təhlükəsi barədə xəbərdarlıq siqnalı daxil olmayıb. O, ABŞ ordusunun UNO-larla əlaqə saxlamağa cəhd etmədiyini vurğulayıb.

Ən vacib xəbərləri Telegram kanalımızdan OXUYUN! (https://t.me/enaxeber)