Nəhəng bankdan - NEFT PROQNOZU
ABŞ-ın investisiya bankı və maliyyə xidmətləri şirkəti "Goldman Sachs", bu ilə dair Brent növü xam neftin qiymət proqnozunu bir barel üçün 70 dollardan 62,5 dollara endirdiyini açıqlayıb.
"BI" xəbər verir ki, "Goldman Sachs"dan verilən açıqlamada, ABŞ-ın Qərbi Texas tipli (WTI) xam neftin orta hesabla barrel qiyməti proqnozunun da 64,50 dollardan 55,50 dollara endirildiyi bildirilib.
Açıqlamada, 2015-ci ildən bu yana dünya miqyasında davam edən güclü makro-iqtisadi çətinliklərə diqqət çəkilib, qlobal neft tələbdəki artımın 2019-da keçən ilə nisbətən daha zəif olmasının gözlədiyinə yer verilib.
ABŞ-ın şist nefti istehsalındakı artımın ötən il güclü olduğunun vurğulandığı açıqlamada, qlobal neft ehtiyatlarının da yüksək səviyyədə davam etdiyi qeyd edilib.
Açıqlamada, bu il Braziliya və Kanada yaranacaq əlavə neft hasilatının dünya miqyasında təklifi daha da artıracağına toxunularaq, Brent neftin 2019-cu il üçün orta hesabla barrel qiymətinin təxminin 70 dollardan 62,5 dollara endirildiyi bildirilib.
ABŞ Enerji İnformasiya İdarəsi (EIA) keçən ay verdiyi açıqlamada, 2019-cu il üçün neft qiyməti proqnozunu 11 dollar aşağı saldığını bildirərək, Brent tipli xam neftin orta hesabla barrel qiymətinin bu il 72 dollar əvəzinə 61 dollar olmasının nəzərdə tutulduğunu bildirmişdi.
Digər bir amerikalı investisiya bankı və maliyyə xidmətləri təşkilatı "Morgan Stanley" isə, keçən ay, 2019 üçün Brent neftin qiymətini 78,50 dollardan 68,50 dollara saldığını açıqlamışdı.
