Avro hesablaşmalardakı payını itirir, dollar və yuanla ticarət isə artır
Dekabrda Çin milli valyutası beynəlxalq hesablaşmalarda istifadə həcminə görə mövqeyini daha da gücləndirib. SWIFT hesablaşma sisteminə görə, yuan artıq dördüncü yerdə qərarlaşıb.
Bloomberg-in məlumatına görə, bu, 2015-ci ilin avqustundan bəri ilk dəfə baş verib.
Yuanın beynəlxalq ödənişlərdə payı noyabrda 2,14%-dən 2,7%-ə yüksəlib.
Ötən ay ABŞ dolları qlobal hesablaşmaların həcminin noyabrda 39,2%-ə qarşı 40,5%-ni, funt sterlinq isə 6,7%-ə qarşı 5,9%-ni təşkil edib.
Avro ilə hesablaşmaların payı 37,7%-lə müqayisədə 36,65%-ə düşüb ki, bu da son səkkiz ayın ən aşağı göstəricisidir.
Yen 2,6% ilə beşinci sıraya düşüb. Yaponiya milli valyutasının qlobal ödənişlərdə payı noyabr ayı səviyyəsində qalıb.
