Gündəm

Çin ABŞ-ın sanksiyalarına cavab verib

Çin ABŞ Senatının qəbul etdiyi yeni sanskiya ilə bağlı ölkədəki qurumları və onların bizneslərini qorumaq üçün bütün lazımi tədbirləri görəcək.

ENA.az xəbər verir ki, bu barədə Çin Xarici İşlər Nazirliyinin sözçüsü Van Venbin bildirib.

“Bu hərəkətlər bazar iqtisadiyyatı prinsiplərini, beynəlxalq iqtisadi və ticarət qaydalarını ciddi şəkildə pozur, Çinin qurum və müəssisələrinin mənafeyinə ciddi zərbə vurur. Çin, Senatın qərarından təəssüflənir, qəti şəkildə rədd edir və ABŞ-ı səhvini dərhal düzəltməyə çağırır”.

Qeyd edək ki, ABŞ Senatı Çinin kiçik xalqlarının məcburi əməyindən istifadə edilən Sincan bölgəsindən malların idxalını məhdudlaşdıran yeni qanun qəbul edib.

Birləşmiş Ştatlar Çini ölkənin İslam dinini qəbul edən kiçik xalqlarının nümayəndələrinin olduğu xüsusi əmək mərkəzlərində qul əməyindən istifadə etməkdə ittiham edir. Onların arasında qazaxlar və uyğurlar da var.

İnsan haqlarının pozulması səbəbindən ABŞ və bir sıra başqa ölkələr Pekin Olimpiadasını boykot edib.

Ən vacib xəbərləri Telegram kanalımızdan OXUYUN! (https://t.me/enaxeber)