Sahibkarlığın İnkişafı Fondu kreditlərin 92 faizini mikro, kiçik və orta biznesə verib
2021-ci ilin yanvar-sentyabr ayları ərzində Sahibkarlığın İnkişafı Fondu tərəfindən 1152 investisiya layihəsinin maliyyələşdirilməsinə 60.9 milyon manat güzəştli kredit verilib.
Bu barədə SİF-dən bildirilir.
Fond bildirir ki, verilmiş kreditlər hesabına investisiya layihələri üzrə 1796 yeni iş yerinin yaradılması nəzərdə tutulur.
2021-ci ilin yanvar-sentyabr ayları ərzində kreditlərin layihə sayı üzrə 99.7%-i, kreditin məbləği üzrə 92%-i mikro, kiçik və orta sahibkarlıq subyektlərinə verilib.
İqtisadiyyatın sahələri üzrə verilmiş kreditlərin layihə sayı üzrə 94.4%-i kənd təsərrüfatı məhsulları istehsalının payına düşür.
Kreditin məbləğinə görə verilmiş kreditlərin 83%-i kənd təsərrüfatı məhsullarının istehsalı və sənaye məhsullarının istehsalı və emalının payına düşür.
