Birinci rübdə cəmi 8 bank büdcəyə mənfəət vergisi ödəyib - CƏDVƏL

Bu ilin birinci rübündə Azərbaycandakı 26 bankdan cəmi 8 bank öz hesabatında mənfəətdən vergi ödədiyini açıqlayıb. Ümumilikdə büdcəyə ödənilən vəsait 32 milyon 145 min manat olub. Vergi ödənişində lider bank - Kapital Bank ASC-dir. ENA.az xəbər verir ki, bu bank  13 milyon 908 min manat həcmində vergi ödəyib. Qeyd edək ki, bu bank elə mənfəətin həcmində də birinci idi.

Digər vergi ödəyən banklar bunlardır: Azərbaycan Beynəlxalq Bankı ASC, Paşa Bank ASC, Xalq Bank ASC, Azərbaycan Sənaye Bankı ASC, Bank of  Baku ASC, Yapı Kredi Bank Azərbaycan ASC,  Expressbank ASC-dir.

Onu da qeyd edək ki, digər bankların bu rübdə büdcəyə ödəniş etməmələri o demək deyildir ki, həmin banklar vergini ödəmirlər. Çünki bəzən vergilər əvvəlcədən ödənilir və ya təxirə salınmış vergi öhdəliyi maddəsilə digər rübə keçirilir.